Aksident në Shkodër, 73-vjeçari përplas këmbësorin, dërgohet në spital

23:51 | 27 Gusht 2023
Orgesa Haziri

Një aksident ka ndodhur në rrugën “Liria” në Shkodër, ku 73-vjeçari K. N. ka përplasur me makinë një këmbësor, i cili nuk është identifikuar ende.

Sipas policisë këmbësori i ka ndërprerë rrugën, shoferit të mjetit.

Blutë bëjnë më dije se i aksidentuari u dërgua për ndihmë mjekësore në Spitalin Rajonal Shkodër.

“Rreth orës 13:20, në rrugën “Liria”, automjeti me drejtues shtetasin K. N., 73 vjeç, është ka përplasur me një shtetas këmbësor, aktualisht i paidentifikuar, i cili i ka ndërprerë rrugën. Shtetasi u transportua në Spitalin Rajonal Shkodër, për ndihmë mjekësore.

Drejtuesi i automjetit u shoqërua në Komisariatin e Policisë Shkodër për veprime të mëtejshme procedurale.

Grupi hetimor ka mbërritur në vendngjarje dhe vijon punën për përcaktimin e shkakut të aksidentit”, thuhet në njoftimin e policisë./tvklan.al